Кітап көрме
Қалалық кітапхана Отбасы күніне орай мәдени-сауық орталығында "Отбасы-ұлттың тірегі, алтын діңгегі" атты кітап көрме ұйымдастырды. Көрмеге отбасы құндылығы, тәлім-тәрбие туралы әдебиеттер қойылды, атап айтсақ, автор Елжас Ертайұлы"Баланы тәрбиелеме өзіңді тәрбиеле", Анатолий Некрасов "Ана махаббаты", Қадырбек Әліпбайұлы"Жан ұясы", психология саласында Дэниел Дж. Сигел Тина Пейн Брайсон тағы да көптеген әдебиеттерге шолу жүргізілді.
Отбасы –адам баласының өсіп-өнер, қаз тұрып, қанат қағар ошақ қасы, алтын бесігі ғана емес, ол-шағын мемлекет. Отбасы –әлеуметтік қауымдастықтың бір түрі. Ал, отбасы тәрбиесі-ұлттық тәрбиенің негізі. Әкенің «батырым», шешенің «құлыным» деген сөзін естіген балада жақсы сезім туатыны белгілі. Ата –ананың міндеті-тәрбиелеу және жақсылықты үйрету, бала тәрбиесі ол дүниеге келген алғашқы күннен басталады. Өнегелі ұрпақ тәрбиелеу әр ата-ананың арманы және борышы екені даусыз.Әрқашан отбасымыз аман, босағамыз берік болғай.