Орналасқан жері: Қаражал қаласы Мәдени-сауық орталығы алаңында
Биыл қаламыздың мәдениеті үшін бір айрықша жыл болды. «Рухани жаңғыру» бағдарламасы аясында үкімет тарапынан ерекше назарда десем, артық айтқаным емес. Қаламыздың мәдениеті, тарихы, даңқы, киесі өлмесін деген ниетпен, өткен аптаның сейсенбісі күні қаламыздың мәдени – сауық орталығы алаңында тарихтан сыр шерткен киелі аспап – «Қобыз» шағын сәулет нысанының ашылу салтанаты өтті. Бірнеше ғасырдан келе жатқан киелі аспапты қаламыздың төріне орнатылуы қаражалдықтар үшін жағымды жаңалықтардың бірі болды.