«Қаражал қаласының орталықтандырылған кітапханалар жүйесі» КММ ұйымдастыруымен Отбасы күніне орай «Мықты отбасы – мықты мемлекеттің кепілі» атты отбасылық конкурс өткізілді. Аталған конкурсқа 3 отбасы Жұмажановтар отбасы, Бейсекеевтер отбасы, Ерденовтар отбасы қатысты. Әділқазылар алқасы Сажинов Сырым, Узакова Жайнагуль, Тұрабай Шырын болды. Конкурс 5 кезеңнен тұрды. Әр кезеңде отбасылар өздерінің өнерлерін салды. Бірінші кезеңде отбасылар таныстыруларын айтты. Екінші кезеңде сүйікті кейіпкерлердің суретін салды. Үшінші кезеңде оқыған кітаптарын авторларымен көрсетті. Төртінші кезеңде кітапқа байланысты мақал-мәтелдерді жалғастырды. Соңғы кезеңде белгіленген уақыт ішінде берілген кітаптарды бүтіндеді. Әділқазылар саралай келе І орынды Жұмажановтар отбасы, ІІ орынды Ерденовтар отбасы, ІІІ орынды Бейсекеевтер отбасы алды.