Қалалық кітапханада кітапхананың тұрақты оқырмандары және тау – кен техникалық колледжінің студенттері назарына кітапхана қорына жаңадан түскен кітаптарды таныстыру мақсатында «Түрлі-түсті кітаптар әлемі» атты кеш өткізілді. Оқырмандарға қызмет көрсету бөлімі ұсынған қызықты, түрлі –түсті танымдық басылымдармен кітапхана қызметкерлері жеке – жеке шығып, кітаптарды таныстырды. Оқырмандарымыз әр түрлі түстерге безендірілген кітаптар арқылы әдеби викториналық сұрақтарға жауап беріп, көптеген жағымды эмоциялар алды. Іс – шара қатысушылар кітапқа қызығушылықтарын танытып, кітаптар жаздыртып алып, жақсы көңіл-күйде тарқасты. Кітап адам өміріндегі ең қажетті құндылық және ондағы білімді заман талабына сай жүйе арқылы бойымызға сіңіріп, сол арқылы өз-өзімізді тәрбиелей аламыз. Сондықтан көп кітап оқып, кітап жанашыры болуға шақырамыз.
